Poslovne vijesti - Makedonija

Во февруари годинава се откупени земјоделски производи во вредност од 553 милиони денари (околу 8,67 милиони евра). Ова денеска го соопшти Државниот завод за статистика, додавајќи дека вредноста на откупот во февруари на годишно ниво е зголемена за 69,1 отсто. Вредноста на откупените земјоделски производи од индивидуалните земјоделски производители е зголемена за 177.6 отсто, а продажбата од сопственото производство на претпријатија е зголемена за 15 проценти. Зголемувањето на вредноста вкупниот откуп се забележува кај индустриските растенија, зеленчукот, овошјето, грозјето, алкохолните пијалаци, добитокот и живината и јајцата, а намалување има кај житата, фуражните растенија, млекото, млечните производи и рибата.